ಬಾಲ್ಯವನ್ನು ನೆನಪಿಸುತ್ತೆ ಈ ಮಂಗಳೂರಿನ ಪುಟಾಣಿ ರೈಲು!

ಬಾಲ್ಯವನ್ನು ನೆನಪಿಸುತ್ತೆ ಈ ಮಂಗಳೂರಿನ ಪುಟಾಣಿ ರೈಲು!

April 4: ಮಾಲ್ ಗಳಲ್ಲಿ ಅದೆಷ್ಟೇ ಚೆಂದದ ರೈಲು ಬಂದರು ಈ ಕದ್ರಿ ಪಾರ್ಕ್ ನಲ್ಲಿರುವ ಬಾಲಮಂಗಳ ರೈಲು ಮಾತ್ರ ಎಲ್ಲರಿಗು ಅಚ್ಚುಮೆಚ್ಚು . ಮಂಗಳೂರಿಗೆ ಮಾಲ್ ಬರುವ ಅದೆಷ್ಟೋ ವರ್ಷಗಳ ಮುಂಚೆಯಿಂದ ನಮ್ಮನ್ನು ರಂಜಿಸಿದ ಈ ರೈಲು ಮರೆಯಲು ಸಾಧ್ಯವಿಲ್ಲ ಎನ್ನುವವರ ಸಂಖ್ಯೆ ಅಪಾರ . ಕದ್ರಿ ಪಾರ್ಕಿನಲ್ಲಿ ಈ ರೈಲು ನೋಡಲು ನನಿಗೆ ಏನೋ ಒಂಥರಾ ಖುಷಿ ಅನ್ನುತ್ತಾರೆ ಬಿಜೈನ ನಿವಾಸಿ ರಶ್ಮಿ. ಹೌದು ರಶ್ಮಿ ಅವರು ಮಾತ್ರವಲ್ಲ ಅದೆಷ್ಟೋ ಮಂದಿ ಕದ್ರಿ ಪಾರ್ಕಿಗೆ ಬಂದು ರೈಲು ನೋಡಿ ಹೋಗುವವರಿದ್ದಾರೆ. ಯಾಕೆಂದರೆ ಅವರಿಗೆ ಅವರ ಬಾಲ್ಯದಲ್ಲಿ ಈ ರೈಲಿನಲ್ಲಿ ಕುಳಿತ ನೆನೆಪು. ಬಾಲಮಂಗಳ ರೈಲು ನಿಂತೇ ಹೋಗುತ್ತೆ ಇನ್ನು ನೋಡಲು ಸಿಗುವುದಿಲ್ಲ ಎಂದು ಎಷ್ಟೋ ಜನ ಅಂದುಕೊಂಡಿದ್ದರು. ಈ ರೀತಿ ಅಂದು ಕೊಳ್ಳಲು ಕೂಡ ಕಾರಣವಿದೆ. ಪುಟಾಣಿ ರೈಲು ಅದೆಷ್ಟೋ ವರ್ಷ ಶೆಡ್ ನಿಂದ ಹೊರ ಬಂದಿರಲಿಲ್ಲ . ಇದೀಗ ಮತ್ತೆ ಕದ್ರಿ ಪಾರ್ಕಿನ ಈ ರೈಲು ಎಲ್ಲರ ಗಮನವನ್ನು ತನ್ನತ್ತ ಸೆಳೆಯುತ್ತಿದೆ. ನೀವು ತಡ ಮಾಡದೆ ಈ ಪುಟಾಣಿ ರೈಲಿನಲ್ಲಿ ಕುಳಿತು ಆದಷ್ಟು ಬೇಗ ಆನಂದಿಸಿ.